حوض المطبخ

حوض المطبخ من اهم مكونات مطبخك لذلك يجب ان يكون جيدا ومريح وعملي لانك بتقضي قدامه وقت طويل وحسب الدراسات الست التي لا تملك غسالة اطباق بتقضي ما بين عشرة لعشرين يوم في السنة قدام حوض المطبخ

بنقدملك بعض النصائح التي يجب ان تراعيها وانت بتختاري حوض مطبخك :

·         أولا: أنواع احواض المطبخ من حيث الخامة

هناك العديد من الخامات المستخدمة في صناعة احواض المطبخ ولكن المنتشر هم نوعين

1-     الجرانيت

مميزاته انه سهل التنظيف وشيك جدا ويعطي مظهر انيق لمطبخك ولكن عيبه انه معرض للكسر في حالة سقوط جسم تقيل عليه

 

 

2-     الاستانليس ستيل

يعتبر من افضل الانواع واكثرها انتشارا لانه بيتحمل الأوساخ وسهل التنضيف وده بينقسم لاكتر من نوع

1-      النوع الاول وهو الاستانليس استيل بالكامل زي الي في الصورة كدة وده ليه مميزات انه لما بتقع مية برة الحلة بتنزل بسرعة بدون تعب منك في محاولة تنشيفها وفي نفس الوقت بيكون احن على الاطباق القابلة للكسر لو وقعت عليه ومش بتتكسر بسهولة

 

 

 

 

 

2-      النوع الثاني هو الحلة الي بتتسقط جوا الرخامة والنوع ده لازم تاخدي بالك من حاجة مهمة لما  تستخدميه ان معظم الانواع الي بالشكل ده بتكون زي الصورة الي تحت دي ليها شفة عالية شوية حوالي 5 مللي اعلى من الرخامة ودي بتصعب عملية تنشيف الرخامة

 

 

والافضل انه يكون بالشكل الي في الصورة الي تحت لكن ده بيحتاج صنايعي فاهم كويس لان تركيبه اصعب شوية وبيحتاج لوح خشب تحته يشيل وزنه لانه مش بيكون متحمل على الرخامة زي النوع التاني

·         ثانيا: انسب مكان للحوض

 

1-      افضل مكان للحوض الرئيسي في مطبخك انه يكون في اقرب مكان للشباك وده لاسباب كتيرة منها انه يكون قريب من مواسير الصرف وده بيقلل التمديدات الي بتكون في الارض وعلشان يكون فيه اضاءة طبيعية من الشباك وكمان علشان يكون فيه تهوية طبيعية وانت واقفة وقت طويل قدام الحوض وفي نفس الوقت يكون فيه بعض المناظر الطبيعية الي ممكن تستمتعي بيها اثناء استخدام الحوض

2-      لو عندك في مطبخك جزيرة في المنتصف ممكن تحطي فيها حوض صغير لغسيل الخضار والفاكهة لكن لا يحبذ وجود الحوض الرئيسي في الجزيرة دي لانها غالبا بتستخدم في الاكل وماينفعش يكون فيه صابون ومساحيق جنب مكان الاكل

ممكن من هنا تشوفي افضل اختيار لرخامة مطبخك